加拉塔沙雷近六場賽事五勝一和，和波果場係歐聯分組賽主場對哥本哈根。從賽果睇近況睇得出隊波狀態不俗。隊中亦不乏猛將，門將有梅斯利拿；後防有山齊士同安祖連奴；中場有托尼拉同尼當比利；前場則有韋費特沙夏、薛耶治同伊卡迪，牌面睇落絕對唔差。今場作客面對住哀兵曼聯，絕對有能力贏波而回。 曼聯上場聯賽主場以零...
曼聯主場再戰水晶宮。水晶宮今場出番主力下，實力同上場聯賽盃陣容完全係兩回事。加上鶴臣吸取上場教訓，係中低位防守時明顯有相對應部署限制曼聯後場出球，令到曼聯係後場空有控球權但極難創造到具威脅既傳球。水晶宮上半場憑出色防守令曼聯只得一次中框射門，更憑一次死球攻勢入球；下半場繼續貫徹防守，門將莊士東亦撲出...
鶴臣上場收起大部分主力球員，讓賽下以零比三不敵曼聯，成功令自己係聯賽盃出局，可以專心聯賽護級。輸波都係預左，但呢場輸波可以令到鶴臣睇到用4-4-2中低位防守去應付呢隊曼聯未必有用。今場番到黎聯賽，首先鶴臣一定會用番主力迎戰，艾度亞、艾斯、基耶、韋曉士等正選都會悉數上場；另外，如何指示中前場球員應對番...
《後備鬥後備？實力差得遠》 水晶宮今場大幅度輪換球員，整條防線連門將都差唔多全換，只得左閘米曹係常規正選。防守中場亦用左大號碼列特華（44號）取代左韋曉士或利馬。前線孖寶艾斯同艾度亞亦放左係後備席，只有常規正選舒諾普同艾耶列入正選陣容。鶴臣睇黎想留力下場聯賽搶分，或者佢覺得坦克會出後備黎踢，就實行黎...
水晶宮近況稍為比曼聯好少少，近三場一勝一和一負，聯賽暫時有八分排係第十。水晶宮今季起用4-2-3-1為主，攻擊中場艾斯肩負起進攻重任，聯同左右翼舒諾普同佐敦艾耶支援前鋒艾度亞攻堅。前鋒艾度亞今季入左四球，係隊中主力射手，反而攻中艾斯今季都未有任何助攻，而後備上陣居多既馬迪達則係暫時既隊中助攻王，絕對...
《甘賓尼忠於踢法；坦克選擇妥協》 般尼領隊甘賓尼算係師承哥帥，將地面控傳踢法注入般尼。今場防守時係前場選擇用4-4-2，到打低位防守時則改為4-1-4-1；進攻時則將二閘收入中路改踢2-3-5。同熱刺極為相似，熱刺係前場有核心麥迪臣佔據中路同左面half-space位置；般尼則缺少一個用波異常突出既...
般尼近五場賽事三負一勝一和，只計聯賽則係三負一和，暫時拎得一分排係第十九位。上場作客諾定咸森林被對手逼和，只睇數據，雖然般尼有較多控球，但射門次數同中目標次數都比森林少，實力上睇黎同森林都係差唔多。另外，四場波合共失左十二球，球隊係防守上出現極大問題。雖然對手曼聯攻力疲弱，但如果唔調整一下防守模式，...
《拜仁踢得傳統；曼聯仍然堅持係高位遮線壓迫》 拜仁今場沿用4-2-3-1陣式，無論係後場Build-up還是高位逼搶都冇好似現今其他球隊大玩變形陣式。進攻明顯針對曼聯既二閘位置，以翼鋒作為進攻啟動點，特別以球隊右路為主。中路甘美治同哥列斯卡無需做太多創造工作，分邊等兩翼去攪就得，係中間以保持控球同截...
《坦克係戰術上有想法；迪沙比輪換球員備戰歐霸盃》 坦克今場改踢4-4-2菱形中場，兩閘用上進攻力較強既達洛治同列古朗，中堅仍然係馬天尼斯拍連迪路夫；中場卡斯美路逗後，麥湯文尼同艾歷臣踢兩個八號位，般奴費南迪斯踢攻擊中場；前鋒由華舒福同海隆踢雙箭頭。相信係主場出擊關係，坦克唔想縮係後面泊巴士，選擇係前...
白禮頓開季狀態大勇，雖然賣走卡斯度、麥卡里士打同山齊士，但上季尾已經開始提拔小將基摩、安斯素、門將史迪爾同伊雲費格遜踢正選，加上補充左占士米拿、安素法迪同祖奧柏度，整體戰力好似不跌反升，唯一要擔心既係當歐洲賽都開始時，到底後備球員能唔能夠做到輪換，還是要正選球員一周兩賽至三賽咁踢殘，就要睇迪沙比領軍...
《阿仙奴唔敢貿然壓上；曼聯引君入甕》 阿仙奴主場出擊自然要踢得較進取。柏迪受傷令達叔唔需要考慮太多，擺番薛真高踢閘位內切，防線用番上季常規陣容，中場同埋翼鋒不變，懷斯逗住夏維斯同奧隊長，兩翼馬天利尼同薩卡支援狀態不俗既尼基迪亞攻堅。上半場只睇控球率的話，阿仙奴看似係受壓既一方，但實際戰況就唔係。阿仙...
轉會窗已完，今個夏天曼聯簽入（計埋借用）七個球員，包括買入攻擊中場曼治、門將安拿拿、中堅伊雲斯、前鋒海隆同門將比恩迪殊，與及借入左閘列古朗、防中安拉拔；離開既人亦有甸軒達臣、迪基亞、費特同伊蘭加等。唔知你地對曼聯呢個轉會窗有咩評價呢？ 首先，一早已經知道甸軒達臣同迪基亞肯定離隊他投，所以買兩位門將...
阿仙奴開季暫時都順風順水，三戰兩勝一和，拎到七分排係第五位，今周將會主場迎戰曼聯。阿仙奴頭兩場都係險勝對手一球，上場打多一人之下，被富咸靠死球逼和錯失左寶貴兩分。上季踢閘位內切既薛真高近兩場都有後備入替，上場亦踢左接近半個鐘，狀態應該有所提升。防中懷斯肯定會係必然正選下，近三仗都要出任右閘既柏迪既競...
阿仙奴今季重點買入左防中懷斯、前鋒夏維斯、後衛添巴同門將拉也，前中後都各有一名具質素球員加盟，整體實力一定係強左（比較可惜係添巴受傷要抖一段時間）。多左人用對阿迪達黎講就一定係好事，但亦都等於佢需要放棄部分球員，因加盟呢幾位都具備正選實力，買左就冇理由唔用，重點係要睇下點用。阿仙奴暫時踢左三場波兩勝...
《祖柏都係搏偷雞；坦克踢番上季果套》 諾定咸森林作客奧脫福都係諗住先守穩再偷雞。領隊祖柏擺出5-4-1，踢中低位防守，壓縮中路空間。搶到波就扔高波俾阿旺尼停，停到就等傑斯韋治同賓倫莊遜支援，務求三兩下就要到曼聯禁區埋門，進攻要快狠準，失左控球就番黎再守過。 曼聯缺少曼治同梳爾，坦克改派艾歷臣同達...
諾定咸森林頭兩場獲得一勝一負成績，輸俾阿仙奴但贏左錫菲聯，暫時有三分排係第十位。球隊今個轉會窗就冇上季咁瘋狂，暫時較為重鎊只係收購左將會倒戈既伊蘭加、前紐卡素前鋒基斯活、前阿仙奴門將端拿同借入左阿根庭右閘蒙迪爾；而離隊則有哥碧克，安祖艾耶、連加特、拿華斯同洛迪等。離隊既除左拿華斯同洛迪（計埋連皇啦）...
《熱刺照舊主攻；坦克踢番上年果套》 熱刺用番同上場一樣主攻既踢法，講求由後場組織，只係陣容上針對性換左人。用樸羅換左艾馬遜，沙亞換左防守比進攻好既史傑比。呢兩個調整對熱刺係進攻上既推進都起到唔少作用，沙亞既護波與及入禁區既能力都比史傑比高；樸羅係交波選擇還是走位時機都比艾馬遜好。熱刺上半場6射3中，...
熱刺今個夏天大地震，先有新領隊普斯迪高古上任，後有熱刺老臣子哈利簡尼遠走拜仁。熱刺突然之間冇左攻擊核心，新領隊都咪話唔頭痕。除左哈利簡尼走左，輪換球員摩拉、丹祖馬同朗格勒都走左。幸好，球隊補充左攻中麥迪臣、中堅雲迪芬、左閘烏度基同門將維卡利奧，而尼當比利、盧斯素同列古朗等都外借收回，兵源上又不致太短...
《上半場齋睇數據你會以為係控制緊場波》 狼隊知你有安拿拿，咁「猜」得就唔逼啦，選擇踢4-1-3-2係高位遮線，祖奧高美斯係高位專責釘防卡斯美路，利文拿則係後面跟波走，去塞位或防守現身拎波既曼治或般奴。一對前鋒就係中間準備施壓俾一對中堅，由得你安拿拿拎波。兩翼則內收入中間，唔俾曼聯一對中堅可以直線打穿...
英超即將開波，各隊暫時都有唔少球員轉會（轉會窗仍未關閉），小弟簡短預測一下來季英超幾間球會既大約名次：（曼城、阿仙奴、曼聯、利物浦） 1）曼城 主要球員收購：加維度、高華錫、簡些路（外借回歸） 主要球員離隊：馬列斯、根度簡、文迪（左閘） 曼城有哥迪奧拿帶領下，當然仍然係奪冠熱門。根度簡既離開影響...