《略略講下戰情》 今場比數望落都懸殊，但曼聯全場計並唔係壓住對手狂攻狂砌。全場只得51%控球，十三射三中入三球，就係贏把握力；李斯特城能力有限，縱然係控球權方面同曼聯不相伯仲，但全場只得六射五中，上半場有四次中框；下半場只得一腳射門中框。無論創造機會還是把握力，都需要大大提升。 曼聯今場係創造機會...
曼聯上半場既演出都幾嚇人，雖然佔有近六成控球，但只得四射一中；下半場雲佬係更衣室開完風筒下，球隊表現先有番少少起色。50分鐘，迪亞路尾柱接應般奴傳中頂入領先。其後，PAOK有一次極黃金機會，迪蘇達利係十二碼點無人看管下竟然「傳」俾安拿拿，曼聯先唔駛俾人追和。77分鐘，迪亞路單人係前場逼搶成功，係右路...
《叫得彭馬FC梗係有原因》 馬列斯卡排出4-2-3-1陣式，門將起用山齊士。列斯占士改踢左閘，古斯度踢右閘。左右中堅係高維同科芬拿。一對防中用拉維亞同沙斯度。左右翼係柏度尼圖同馬度亞基。攻中彭馬支援前鋒積遜攻堅。呢十一人係周中冇正選上陣，只有馬度亞基係後備有入替，整隊足足有七日時間休息。車路士有球進...
尋晚先講完話Ineos肯定一早搵完人傾掂數，今日就已經有消息話士砵亭領隊阿莫林準備好入魔，基本上只係等官宣攪掂。 《分析下佢將會係曼聯帶隊既模式》 根據Youtube channel - 「Football Meta」既分析，阿莫林主打3-4-3陣式。阿莫林進攻好追求fluidity，亦有其他曼p...
今日最爆既消息就係曼聯宣布同領隊坦夏分道揚鑣，相信一眾反坦黨會開香檳大肆慶祝，而一班撐坦黨（包括我）都可能會有少少愕然。以我角度而言，因球證黑哨而輸左俾韋斯咸，而因此要立刻炒坦夏，在情在理上個說服力係完全唔夠。如果管理層係球隊輸俾熱刺後而炒佢，說服力相對仲大少少。因為從近況黎講，曼聯點都叫做前四場不...
《上半場贏唔到係抵死》 坦夏今場都可以算係派出球隊最強陣容，龍門係安拿拿，達洛治踢番右閘，左閘用馬沙拉維。中堅則由馬天尼斯拍迪列特。卡斯美路拍住艾歷臣踢防中。攻中般奴費南迪斯，支援前場三义擊加拿祖、華舒福同海倫。上半場曼聯完全係控制球賽，一開波見到球員既狀態都係有備而黎。上半場曼聯八射四中，包括加拿...
《粗略講講戰況》 上半場兩隊都似想放棄控球，最後係曼聯做得較徹底，所以費倫巴治相對主動，亦創造到不少威脅埋門。曼聯殘陣下，進攻乏力，但憑一個反擊機會攻入一球。曼聯亦要靠表現神勇既安拿拿屢救險球，先可以領先一球入更衣室。下半場費倫巴治火速憑安拿斯尼追成平手。福仔門前錯失黃金機會未能再次領先。兩隊較多中...
曼聯防線傷兵滿營，坦夏今場決定改派馬天尼斯出任左閘，中堅交俾伊雲斯拍迪列特，右閘用達洛治。中場起用老將卡斯美路、艾歷臣同般奴費南迪斯。左右翼係加拿祖同華舒福支援海倫攻堅。 《早段蜜鋒仔快入局；中後段曼聯重奪主導權》 賓福特頭15分鐘完全搶到主導權，後場不慌不忙咁利用猜傳化解曼聯高位逼搶。曼聯今場仍...
《比賽戰況》 正選陣容同小弟既預測陣容只係差一個卡斯美路，都唔難預測到坦夏呢場要主動出擊。不過中場出埋卡斯美路，就令到整條中場線既速率遠遠不及對手。坦夏想係前場壓迫，但中場既速率同覆蓋率都欠奉，所以曼聯今場都極少可以係高位逼甩對手再打轉守為攻。坦夏睇黎亦冇做功課，波圖基本上都係九九八十一斬，描住前鋒...
曼聯易帥傳聞甚囂塵上，有傳話只要下場對波圖與及下下場對維拉既比賽有乜野冬瓜豆腐，曼聯管理層就會立刻將坦夏炒魷魚。佢係咪真係要依家落鑊？ 《先從今季聯賽戰績睇睇：六戰兩勝一和三負》 主場 贏富咸 1:0 作客 輸白禮頓 1:2 主場 輸利物浦 0:3 作客 贏修咸頓 0:3 作客 和水晶宮 0:0 ...
睇圖就知，達洛治都知道自己係失波罪人。除左呢一腳之外，今場佢既表現係災難級。不過，今次唔係想問責，而係想探討咩因素令佢今場突然hang晒機。 《左閘既新任務》 梳爾同馬拿斯亞由開季至今都係養傷當中，換句話曼聯係呢三個月同上季一樣都係冇正宗左閘。幸好，馬沙拉維既加盟令曼聯起碼叫做有兩個具級數既閘位球...
《理性分析場波-坦夏係咪好錯？》 坦夏今場沿用足總盃對曼城既踢法，4-4-2陣式將兩翼內收入中間以遮住熱刺兩閘內收入half-space拎波為主，前場兩人般奴同舒克斯都唔會亂咁壓迫。你問我，我都會沿用呢套模式，不過無論點樣守，以中低位防守再打突擊就一定係呢場波既思路。進攻則依靠般奴放長波俾兩翼，由兩...
歐霸盃第一場賽事，曼聯一比一被川迪逼和。連荷甲都贏唔到，曼聯今舖肯定又俾人笑。今場波既焦點肯定係曼聯中場艾歷臣。佢係35分鐘係禁區妙射得手，為曼聯先開記錄，但佢係68分鐘係後場一個極大意失誤被人偷左個波，及後拉馬斯長驅直進單刀射門得手。艾歷臣真係神又係你，鬼又係你。坦夏係79分鐘換入曼治、海倫同明奴...
《賽前game plan好work》 開賽見到坦夏既排陣確係有擔憂，艾歷臣續任正選，拍明奈踢中場，加上般奴在陣，三人係中路既防守睇落係性感到不設防，畢竟對方係英超級別而唔係英甲仔。不過坦夏針對對方踢三中堅兼用波能力不足，由之前既4-2-4改踢4-3-3，用兩翼直接對位對方一對左右中堅，艾歷臣則推上一...
坦夏今場係正選陣容作出左改變，抽起左卡斯美路同加拿祖，用艾歷臣同迪亞路取代佢兩個位置，其餘位置人腳不變。基於正選上起用左艾歷臣，所以坦夏係戰術上都有改變，並冇要求球隊不停前壓踢高位逼搶，反而選擇改踢中低位防守。 《球賽戰況》 頭三十分鐘，修咸頓確實係佔有較多控球權。除左迪布林係右路能產生較大威脅外...
轉會窗剛剛完結，咁岩曼聯係果日就要對利物浦，所以呢篇文章就延後先出。今次主要探討一下曼聯係今個夏天既轉會情況與及今季既展望。先唔好理會近三場聯賽既結果，只研究球員轉會。 後衛篇 球會搶贏左皇馬羅致中堅約羅，跟住係轉會窗尾段從拜仁收購迪列特同馬沙拉維。迪列特既加盟正好補充番華拉尼既離開，而潛力爆棚既...
今季第一次雙紅會，曼聯主場以零比三被利物浦技術性擊倒，近三場聯賽只得一勝兩負，暫時只得三分排係第十四位。 卡斯美路係戰犯？ 如果今場要係曼聯搵戰犯可以話係極簡單，頭兩球失波都係卡斯美路既個人失誤，引致利物浦可以係前場立即轉守為攻，以人多打人少情況下輕鬆射入。睇番卡斯美路既個人數據，只踢左半場，有3...
利物浦今季換左新領隊史諾執教，但轉會窗好似完全唔關利物浦事咁，唔知FSG管理層係採取睇定黎買既策略定係唔想開水喉買人，等史諾用番上手高普留低既班底就算。今年利物浦都有人離隊，包括退休既艾簡達拿（非常可惜）、不續約既馬迪普、年輕人卡華路同雲丹貝治同第三門將阿祖安等，但球會暫時只從華倫西亞引入左門將馬馬...
英超第二週早場，白禮頓主場以二比一擊敗曼聯，兩戰兩勝拎六分暫時排係第一位。白禮頓放走左中場大腦戈斯同輪換球員拉蘭拿，今場起用占士米拿拍住基摩出任防中。講用波能力，老人家同戈斯有一段距離，所以係中場既控制力同創造性都比上季差左。米拿都只係替工，睇下球會買到咩人又或者新帥會用邊個黎踢呢個位置。傷兵仲有馬...
迪沙比上季帶白禮頓有唔錯既成績，但今季已轉教馬賽，而白禮頓好快已經搵到年輕少帥侯斯拿教。睇番白禮頓管理層由樸達到迪沙比時期，不論換帥還是收購球員既方針都係一致，所以相信換帥唔會對球隊本身踢開既風格有好大影響。直到現時為止，白禮頓都走左唔少球員，包括有安素法迪、戈斯、拉蘭拿同般拿洛迪，搵邊個填補戈斯既...