車路士終於成功擊敗Big Six球隊，過程仲幾具信服力，對得住一班凌晨起身睇波嘅亞洲區球迷。經過三場後，杜曹取得兩勝一和而且一球不失，相信足夠令一班未上任已經開始質疑嘅車迷暫時收聲。 一、10號嘅蒙特 小弟曾經講過蒙特位置應該會越踢越後，而且唔合適合踢no.10，但佢呢場嘅表現可以話係狠狠地打咗我...
經過十八個月的執教後，林柏特在2021年1月25日正式被車路士解僱。事出並不算突然，當車路士在聯賽接連失利後傳媒已傳出球會高層有意更換主帥拯救球季，只不過當傳聞變成現實時仍然會令人愕然。 作為一名以撰寫車路士相關文章為主的寫手，早在風聲傳出時已對這個題目有所預備。原打算秉承本專頁過往偏向理性的...
今場可以話係總結咗車路士今季嘅特色：有效嘅兩閘側擊、尚算穩健嘅防守、唔湯唔水嘅逼搶、無法kill the game、輸中場、集中力忽然下降、下半場早段失球、入球數字低於xG、圍攻無功而還、同埋好多場嘅和波。如果有球迷最近冇咩點睇波又想知今年車路士踢成點，你睇呢90分鐘就ok。亦都因為咁，所以今場...
場波喺深夜西波時段開波，對手係上季雙殺車路士嘅西咸，原本已有心理準備又會係西波一場。結果場波同樣都係西，但就意外地以三球大勝，中止球隊連敗走勢。談表現今場可能仲差過上場輸比狼隊時，不過今次喺跌跌撞撞之後又莫名其妙地全取三分，有時踢聯賽漫漫長路就係需要呢種運氣。 二閘 賽前已宣布占士因傷缺陣，...
敗走葛迪遜公園大概係每季嘅必然，車路士喺聯賽再次輸比默西塞特郡球隊，連續多場不敗走勢告終。今場可以話係開季以來表現最差嘅比賽，如果話對西布朗係個人失誤、對修咸頓係粗心大意，今場就係徹底被技術性擊倒。 愛華頓嘅進攻核心占士洛迪古斯同正選左右閘迪尼、高文缺席，安察洛堤冇派上後備二閘，反而用葛菲同賀...
同日嘅H組同F組打晒大交，相反車路士位處嘅E組就渡過咗平和安靜嘅一晚。場波只屬例行公事，戰術層面上都冇咩值得拎出嚟講，咁不如就簡單討論吓幾位球員。 19歲蘇格蘭小將比利基摩傷癒復出後首次正選上陣，亦係佢嘅歐聯地標戰。今基摩場出任左中場，負責接連中後場及左路攻勢，錄得全場最多嘅97次觸球，傳球成...
英超自停賽後首次開放球場，位於Tier2地區嘅史丹福橋球場今場有2000球迷入場觀賽。唔知係咪已經聽慣咗電視啲罐頭歡呼聲，當聽到現場球迷真正嘅吶喊聲音時硬係覺得怪怪地。 講返場波，雖然列斯聯最近嘅戰績唔理想，但佢地嘅痴線佬踢法令好多領隊都好頭痕。賽前已預料今場會係一場硬仗，結果車路士真係喺開賽...
一場談笑用兵嘅例行公事，雙方都派上大量副選球員，整場比賽都談唔上緊湊，最終能夠作客大勝而回確實令人意外。 壽終正寢嘅4231 開季時林柏特將4231視為主要系統，但球隊嘅逼搶同build up表現一直未如理想。直至對卡斯洛達嘅下半場後，車路士就轉咗踢433，而球隊嘅發揮亦有明顯提升。 42...
雙方都唔急於取勝，雖然車路士取得全場控制，但同時亦保留唔少精力喺防守反擊上，最終兩隊嘅入肉攻勢都唔多，和局可以話係合理嘅賽果。 今場係典型嘅摩佬攻防戰，熱刺排出433並展開中低位防守，將球權完全讓出予車路士。熱刺嘅PPDA高達32.33（FYI車路士係9.88），令車路士能夠享用高達61%嘅控...
國際賽後第一場比賽，仲要係踢頭場，球員有明顯嘅疲態。幸好比賽中受到嘅威脅唔大，最終成功一報上季被絕殺嘅仇。 防守 哥迪奧拿以前喺巴塞隆拿時期開始使用「六秒反搶法則」，當球隊失去控球權時全體球員會喺六秒內全力逼搶嘗試奪回控球權，若果搶球失敗就會返回防守位置。我數唔到係咪六秒，但車路士今場使用咗...
由於上季季尾曾經比錫菲聯羞辱性大炒三球，再加上喺開賽冇耐就比麥高直攻破大門，相信當時唔少車迷已經PTSD發作。可幸嘅係球隊並冇自亂陣腳，最終換來一場具說服力嘅反勝。 防守 喺開賽初段球員尚未入局之時，錫菲聯憑住一次極精彩嘅組織先開紀錄。但呢次攻勢之後，其實錫菲聯已經再冇辦法製造威脅。今場法語系...
係轉會窗嘅最後關頭，車路士分別將巴克利同路夫斯捷克外借到阿士東維拉及富咸，而傳聞已久嘅收購目標迪根懷斯最終留隊韋斯咸。換言之，車路士將會以佐真奴、簡迪同高華錫呢個中場班底出戰第三季英超。 喺沙利上任後，明顯有意將拿玻里時代嘅黃金中場線複製到車路士，而呢三個球員亦成為中場骨幹。佐真奴負責節奏控制...
相信大家都已有共識，奧斯爾並非因足球原因而被剔除在大隊英超名單外。原因可能有好多，但我個人認為觸發點在於拒絕減薪一事上。 呢一點係有跡可尋。喺阿迪達上任初期奧斯爾重拾正選位置，表現逐漸提升，嗰時好多人都話奧斯爾復活啦。一場武肺殺到，英超停賽，球隊收入大減，阿仙奴成為首支要求球員減薪嘅球隊。當時...
當見到丹尼恩斯喺完半場前入波後，我就知道今場比賽將會失分。當最後真係被射入第三球時，內心意外地冇太大嘅情緒波動，反而有啲感嘆自己咁清楚呢隊波。 進攻套路逐漸形成 本場比賽同樣排出4231，雲拿置中而復出嘅佩利錫就出任右翼。用雲拿踢正前鋒嘅原因一來係為咗安排佩利錫上陣，二來亦係睇準修咸頓嘅高位防...
夏季轉會窗進入最後倒數階段，各大球會都忙於喺deadline前完成買賣。車路士嘅主要收購工作應該已經完結，接下來就係球隊減磅嘅時候。以下整合咗車路士潛在離隊球員最新嘅轉會動向，另外亦加上一啲個人嘅意見。 前場： 最近最受注目嘅係赫臣奧杜爾同拜仁嘅新聞。據指拜仁打算先外借赫臣奧杜爾一年，外加7000...
賽後嘅焦點集中咗喺摩連奴同林柏特兩師徒嘅trash talk、以及戴亞踢踢下波衝去爆石上面，令車路士盃賽出局呢個事實得以淡化。但撇除花邊新聞同賽果，呢場比賽嘅過程亦有值得討論嘅地方。 1. 球員企位 車路士上半場控球率更高達72%，熱刺只有零星嘅突破機會。咁嘅情況下，車路士理應可以大軍壓境，圍...
呢場波真係好難分析，首先車路士嘅失利並非因戰術失當而起，然後最後入球扳平亦同戰術無關，整場波嘅賽果完全取決於球員嘅狀態、集中度、質素、把握力。 西布朗擺出5-4-1陣式，進攻思維好簡單，就係用兩翼快放打反擊，而迪安加拿同彭利拿確實為車路士擅攻不擅守嘅二閘占士、阿朗素帶來唔少麻煩。不過西布朗喺ope...
聯賽杯第三圈賽事，車路士主場6比0大勝班士利。賽前林柏特指呢場比賽係球隊回復狀態嘅好機會，睇嚟佢收到唔錯嘅成效。 夏弗斯出任最擅長嘅10號位置，比對上兩場踢得更自在。佢得到更多嘅自由度，可以回撤攞波、邊路推進、或者前插禁區。今場佢4射4中並攻入3球，得到一隊生涯首個帽子戲法。此外佢亦交出88%傳球...
車路士今場明顯以防守反擊為主要戰術，以雲拿同夏弗斯嘅速度攻擊利物浦嘅高位防守。另一方面，林柏特亦下調咗迫搶強度，當利物浦係後場用球時車路士會用前場3人加1名中場球員對上利物浦嘅4名後衛，不過唔會主動逼搶，而係以干擾同遮線為主，意圖防止利物浦作出長傳。當利物浦越過中場線後，車路士就會停止逼搶轉為全...
開季首仗車路士作客白禮頓以1比3獲勝，比數上睇落似一場大勝，但車路士實際上贏得頗為幸運。 舊有問題依然未解決，左閘防守、傳中對應、基柏、死球防守等等，唔贅述。 舊問題存在同時，新嘅問題亦隨之而來。今場車路士轉用佐真奴加簡迪踢雙中場，放棄上季常用嘅倒三角中場組合，但本場比賽車路士嘅中場明顯被對...