呢排的《愛．回家之開心速遞》劇情比較出人意表，例如池美麗(鍾凱琪飾)有機會同金城安(安仔)(S.O.) (周嘉洛飾)一齊，黑化的Terry(李偉健飾)可能同「威龍潘金蓮」Anita(梁茵飾)組成暗黑CP，又或者「送水煇」(許家傑飾)接近同大小姐龍力蓮(林淑敏飾)要分手，都係D比較慘的劇情。終於到左呢...
當呢套《倚天屠龍記》出街的時候，好多人都因為知道周海媚係當年飾演完周芷若之後，係今次呢個版本就做要「滅絕」邪魔外道的滅絕師太，而睇呢套劇。尋晚個集終於到左滅絕師太「埋單」，係萬安寺個度跳左落黎。周芷若亦遵從師父的遺命，繼任成為峨嵋派第四代掌門。一直為左自己的「正義」去同天下的邪魔外道對抗，亦號召各個...
今集的《娛樂大家》出奇地好睇，唔係因為今集的主題係旅遊，而係因為今集有《女人四十》的幾位嘉賓，有田蕊妮、卓韻芝、杜如風、谷祖琳同埋車婉婉，睇佢地幾個的互動真係好過癮。加上可能因為佢地幾位都做開唔同的主持，有時都會幫埋手搞氣氛，就咁睇落小編覺得有佢地做主持的話，效果可能仲好過「阿公」蘇永康同Dicks...
上星期的《婚姻合伙人》三條感情線都有唔同程度的發展。郎朝勇(Guts)(楊明飾)終於同貝競枝(Kimchi)(高海寧飾)正式「合伙」，極速生埋小朋友，當然亦開始遇到較多「婆媳糾紛」的情況，而係Guts「入冊」的情況下，Kimchi更加得罪左Guts的舅父徐懿蜚(古明華飾)。而郎朝仁(陸永飾)同施嘉露...
因為見到文章下有網上的朋友留言，首先要澄清一D野，就係小編並無以「劇透」的名義誤導讀者。小編睇呢套《倚天屠龍記》的進度就係TVB播放的進度，雖然網上連大結局都出埋，但小編並無網上追劇的習慣，加上未睇過原著(呢個係一個問題?小編係愛睇劇多過睇書)，試問又如何劇透呢?另外，可能有讀者覺得文章提到的劇情太...
「大小姐送水輝CP」可能係《愛．回家之開心速遞》入面最受歡迎的CP。尋晚的劇情終於講到「送水煇」(許家傑飾)要面對佢人生入面其中一個大抉擇，因為大小姐龍力蓮(林淑敏飾)同Jacky商良(黎振燁飾)的婚期已定，分分鐘之後要「九月九日憶大小姐送水輝CP」(因為暫定9月9日)。呢個時候，司徒獨孤明珠(馬蹄...
尋晚《倚天屠龍記》的劇情講到張無忌(曾舜晞飾)的明教係蝴蝶谷召開明教大會。開完會之後，張無忌等人就向大都進發。一直以黎，如果提起明教教主以外最高權力的人，大家都好自然諗起「光明左使」楊逍(林雨申飾)，因為同佢同Rank的「光明右使」一直都下落不明。終於到左尋晚個集明教教主張無忌終於親眼見到同楊逍合稱...
《倚天屠龍記》剛剛播的時候，小編曾經講過紀曉芙(鄔靖靖飾)同楊逍(林雨申飾)的愛情線無咩亮點，咁一黎個陣劇情剛剛開始，楊逍突然間係峨嵋派手上搶走左紀曉芙，二黎小編無睇過《倚天屠龍記》的原著，只係睇過吳啟華做張無忌版本的劇集，完全唔記得左紀曉芙同楊逍有個美麗的女兒楊不悔。到左二十幾集，楊不悔(孫安可飾...
尋晚果集的《愛．回家之開心速遞》又到根叔熊樹根(劉丹飾)大發神威的時候，之前有一集講到根叔成功做一個「老臨」，可以係年度大作「曹總傳」入面做曹總(劉一飛)的阿爸曹永廉，今次根叔就再升Level做埋「老臨」的判頭，仲邀請埋之前同佢鬥戲的食屎陳師奶(孫慧蓮飾)一齊入埋劇組，所以今集應該係《愛．回家之開心...
無左節日的加持，今集的《娛樂大家》的主題回歸番平常的主題，今次就講寵物。嘉賓方面就唔係好睇到有咩關連，但就有《三日兩夜》的「女神」張曦雯(Kelly)，平時《東張西望》都見到的陳庭欣(Toby)(黎緊又會係《三日兩夜》見到佢)，同埋新年流流都一定見到的「玲玲姐」麥玲玲。今集好少有一個嘉賓可以由頭帶到...
暫時《婚姻合伙人》播左一個星期，可能一開始對呢套劇的期望唔大，所以睇落去反而有D驚喜。演員黎講呢套劇無咩「大牌」的演員，但幾個主要角色的性格都好出(應該話演員落左的心機有回報)，而且劇情都幾有笑點(可能係小編笑點低)，所以暫時對呢套劇的評價唔錯(特別係《愛．回家之開心速遞》最近的劇情唔似之前輕鬆幽默...
《倚天屠龍記》自從趙敏(陳鈺琪飾)出左場，感覺上劇情的節奏好似突然加快左好多，前晚個集就講到張無忌(曾舜晞飾)係「綠柳山莊」的「陷阱」入面同趙敏有肌膚之親，之後明教等人就去到少林寺發現少林個度俾人血洗，成個少林寺得番一個僧人(仲要係人地假扮)，佢地仲要發現係少林銅像後面刻左字，先知有人想嫁禍俾明教，...
《倚天屠龍記》係光明頂一戰之後，終於等到小編最期待的趙敏(陳鈺琪飾)出場。尋晚個集就上演左一個「綠柳山莊奇遇記」，點解係奇遇記，因為主角張無忌(曾舜晞飾)可以同趙敏一齊係中「陷阱」，仲係「陷阱」入面有肌膚之親，呢幕真係睇到令人覺得又好笑，又浪漫。讀者可以參考以下片段。 張無忌做左明教教主之後...
前兩日《愛．回家之開心速遞》入面金城安(安仔)(周嘉洛飾)同池美麗(鍾凱琪飾)係貨櫃共渡患難的日子引起左網民的討論，究竟編劇會維持原判將安仔同Bonnie譚育英(林凱恩飾)一對，亦或係一個「反高潮」等安仔同池美麗變成一對，又或者學網民話安仔梗係同番佢的「好機友」朱凌凌(吳偉豪飾)一對呢?咁呢個就要之...
呢幾集的《倚天屠龍記》可以話係一個小高潮，因為經過節奏偏慢的劇情之後，滅絕師太(周海媚飾)聯合其他的名門正派組成的「聯合部隊」(討伐魔教聯盟)終於攻到上明教的總部光明頂。而係之前，相當受歡迎的女角色小昭(許雅婷飾)亦都登場，仲同主角張無忌(曾舜晞飾)入左去歷代明教教主先可以入得的秘道，張無忌亦因緣際...
唔知大家記唔記得愚人節個日點過呢?《愛．回家之開心速遞》愚人節個集就講到反S.O.大聯盟請左一位「僱傭兵」去整蠱廢青金城安(安仔)(S.O.) (周嘉洛飾)，雖然果陣安仔最後同Bonnie譚育英(林凱恩飾)「大步躝過」，但對安仔黎講就可以話係惡夢的開始。事關個位「僱傭兵」池美麗(鍾凱琪飾)因為安仔對...
今集的《娛樂大家》亦都好應節(係母親節，唔係佛誕)，成集的主題都圍繞呢個主題。今次除左固定班底「娛樂家族」之外，仲有星夢三人組(其實Jinny(吳若希)都係，但佢係「娛樂家族」個隊入面): 周柏豪(Pakho)、連詩雅(Shiga)同埋「星夢一姐」HANA 菊梓喬，另外仲有「小鮮肉」丁子朗。係問答環...
內容沉重的《鐵探》完左之後，就輪到一套輕鬆小品《婚姻合伙人》「接棒」。點解會話係小品，一黎呢套劇係緊急咁樣頂替「安心事件」主角黃心穎的《堅離地愛堅離地》，可以話原本呢套劇應該要繼續擺係倉底。二黎TVB已經開始宣傳定《婚姻合伙人》之後會播的另一套劇《白色強人》(就係《鐵探》大結局之後有個宣傳片話6月1...
《鐵探》終於都大結局，最後要死的死，傷的傷，基本上無咩邊個係「贏家」。如果夾硬要搵成套劇集最後的勝利者，個個人一定係Samuel程宇森(黃智賢飾)。一個一直厭惡「權鬥」，最後卻依靠「權鬥」上位的角色!雖然佢係堅持要伸張正義，但從結果黎講佢的最大對手Madam Man萬晞華(惠英紅飾)的確俾佢拉左落馬...
《倚天屠龍記》講到滅絕師太(周海媚飾)諗住聯合其他的名門正派組成「聯合部隊」(討伐魔教聯盟)，中間又遇到張無忌(曾舜晞飾)同蛛兒(殷離)(曹曦月飾)，係處理完朱九真被殺事件之後，又開始遇到魔教(明教)的邪魔外道。首先係外號「青翼蝠王」的韋一笑，之後就有天鷹教天微堂堂主的殷野王。係主角開「外掛」的情況...