今日歐聯十六強首回合嘅最後一日比賽日，除左有曼城喺客場落後兩球兼打十個人之下上演驚天大逆轉之外，仲有一場由馬體會主場挑戰意甲祖雲達斯嘅比賽。 呢場比賽相當好睇，成場波都快上快落，不過馬體會就棋高一著。咁既然大家都有唔少嘅進攻機會，咁比賽分野就會落喺邊面有攻勢做得比較好。 祖雲達斯擁有Ｃ朗拿...
左楊右華嘅艾舒利楊格同華倫西亞都係由傳奇領隊費格遜引入到曼聯，近幾年亦係曼聯嘅絕對主力，只不過近日就傳出佢哋好大機會季尾齊齊離開曼聯。更有報導指出，意甲前列份子國際米蘭有興趣將佢哋兩個打包，一次過簽哂佢哋。 由費格遜年代佢哋一左一右雙翼齊飛，到雲高爾大打三中堅將佢哋改造成翼衛，再到摩連奴年代...
季前大家都睇死佳聯元朗同凱景會係今屆港超嘅魚腩份子，結果元朗令大家失望喇。佳聯元朗用一班年輕球員殺出一條新血路，期間更加曾經逼和班霸傑志，啱啱亦成功逼和前列份子香港飛馬，可以話係搞到一地都係眼鏡碎。不過凱景就無令大家失望吖吓，打完港超第一循環嘅賽事竟然得一分，真正成為咗一支魚腩份子。 不過經過冬季...
最近曼聯六連勝，唔少球迷叫曼聯高層放棄聘請名帥，直接俾球隊名宿兼現時球隊暫代主教練蘇斯克查坐正。同樣情況都有喺啱啱截止主教練申請嘅香港隊上面出現喎！臨危受命嘅郭嘉諾最近喺省港盃帶領一眾香港小將爆大冷大炒廣東隊捧起省港盃，現場慶祝捧盃嗰陣，球迷都紛紛大嗌坐正。我亦都認為足總都無必要浪費錢去請一個...
曼聯最近炒左摩連奴之後，重拾魔性創出六連勝，曼聯球迷一定係好鬼開心㗎喇，不過山齊士就未必喇……因為大多數比賽佢都無份出場。 山齊士上季加盟嗰陣，曼聯球迷曾經好鬼開心㗎。因為嗰陣同曼城爭梗冠軍，曼城想簽山齊士嗰陣，竟然可以搶贏佢哋簽到番黎。不過好快就因為山齊士表現不如預期，球迷都紛紛大叫水貨。...
近期有唔少傳聞竟然話前利物浦球員古天奴有機會由巴塞加盟曼聯，唔知大家覺得有冇可能成真呢？不過從戰術角度上面，曼聯係完全無需要引入古天奴嘅。 古天奴可以打嘅位係左翼或者攻中。佢打左翼就會經常內切入中間射門或者去組織攻勢，似打一個半十號位嘅角色。打攻中嘅話就會長期喺禁區頂活動，成個球隊嘅進攻就係...
迪基亞對住熱刺總共擋住咗十一次射門，其中包括幾次高難度撲救，唔少球迷、球評家都立刻讚佢係超級門神、世界第一龍門。 記番起迪基亞啱啱加盟曼聯嗰陣，由於經常犯錯，好多球迷就瘋狂抽水，話佢係「新巴夫斯」、超級牛油手云云……每一次犯錯都無限放大。 好喇，到佢慢慢成長到成為一個世界級龍門嘅時候，尤其...
Photo from 足總 香港隊周中以兩回合計5:2打敗廣東，成功衛冕省港盃，的確令唔少本地波球迷喜出望外，甚至瞓唔著教！不過興奮過後，港超聯今日再次展開序幕，打頭陣出場嘅有冠忠南區重返主場硬撼傑志。 上半場憑住迪亞高同夏志明各入一球，令冠忠南區成功擊敗傑志。 繼作客打和富力之後，又一場...
金判坤離任之後，香港隊主帥位置空缺長達差唔多一年。幾經辛苦先迎黎新教練加利韋特。點知加利韋特上任僅僅九十二日，領軍僅僅五場，就宣告辭職離隊，真係成件事似笑話一樣。辭職消息一出，「反白黨」嘅前足總董事梁芷珊、陳肇麒等人都紛紛出黎抽水。 不過加利韋特大約在任短短九十二日，其實就已經喺香港隊戰術取...
仲記唔記得當年成日幫曼聯入波嘅「小豆」查維亞靴蘭迪斯？喺費格遜年代頻頻喺關鍵時刻入波幫球隊反勝絕對令球迷津津樂道。 不過自從費格遜退休之後，佢嘅職業生涯都隨即荊棘塞途！先係俾時任教練莫耶斯棄用，再俾人借去皇馬坐板凳，之後經過去德國搵食一斷時間。最近重返英格蘭投效中型班韋斯咸，諗住可以有穩定嘅...
拉素啱啱同AC米蘭打咗一場水平都幾低嘅比賽。事緣拉素同AC米蘭都排出比較保守嘅三中堅陣式，雙方都無乜進攻板斧，就不斷斬、遠射同球員靠自己能力做啲突破，無組織性可言。雙方嘅入球都係黎自遠射，入到波真係有啲幸運成份，1:1呢個戰果完全合情合理。 *俾廣大球迷寄於厚望嘅古當尼喺希古恩上場領紅要停賽...
大家見到標題應該會R哂頭，英超曼聯嘅前鋒盧卡古同傑志外援盧卡斯應該大檻都扯唔埋，點解會一齊講呢？唔通佢哋係識於微時？有啲港超外援球員就真係識啲大球星，不過唔係呢個組合喇。咁一齊講就一定有原因嘅。雖然天各一方，但係其實無論打法同生涯走向都有啲相似嘅地方。 不如先講吓佢哋嘅生涯走向 1.由效力...
近兩三季睇港超都會覺得傑志喺港超係屈哂機，其他球隊對住佢地完全無得打咁濟，拎到一分都係好難得。黎到今季情況失常，先對東方、元朗、大埔都俾對手摸和到，之後面對魚腩份子嘅凱景竟然半場可以一球都入唔到！今場就更加慘，雖然有盧卡斯入波，俾對面中堅梁諾恆梅開二度，加上伊達憑罰球建功，最終傑志慘敗1:3！上季1...
香港隊喺東亞盃出線之後，突然間又有冇睇開香港波啲人彈出黎話咩「咁開心，出線世界盃咩？」、「夠外援啫」……一堆質疑香港隊嘅聲音又再出現。 唔支持，可以有十萬個藉口。唔支持，嫌港隊「廢」，咁你咪唔好理。睇都未必睇過，之後見到啲傳媒報導話香港隊出線東亞盃決賽，就留言話香港足球點「差」法。無錯，東亞...
東亞盃第二圈外圍賽尋日終於落幕，香港隊最終憑住較佳得球晉級，歷史性第三次闖入東亞盃決賽週！ photo from hk01 第一場比賽面對住中華台北，攻足全場去到65分鐘先由麥基頭槌頂入先開紀錄。臨完場前俾對方追平之後，先由鐘偉強憑禁區頂拉弓射入靚波絕殺，僅僅可以贏到中華台北。 第二場...
今朝凌晨上演咗英格蘭傳奇人物朗尼嘅告別賽，主場迎戰美國。本場比賽目的係為咗去感謝朗尼為英格蘭代表隊嘅貢獻同埋幫 Wanye Rooney Foundation 籌款嘅。今場比賽去到25分鐘就有連格特射入世界波為呢場大勝揭開序幕。僅僅兩分鐘之後，又有阿諾近門撞入幫球隊拉開比分到2:0。下半場中段...
《台北睇波一日遊》 睇完第一場北韓對蒙古，老實講冇乜感覺，或者係事不關己喇。不過港隊球員最尾個場對蒙古都要小心啲，蒙古都幾茅下，搶唔到你個波就下下踢腳。 咁尾場呢，香港2:1搞掂中華台北呢場，就睇完個刻會覺得絕殺好爽好興奮，但係對過程就有啲失望喇。今日港隊進攻板斧真係冇乜，一直就直接放長傳...
italic text圖片取自upower 曼聯最風光嘅時期莫過於 1998-1999年度球季一次過拎哂英超、足總盃同歐聯嘅冠軍寶座。咁曼聯當年嘅陣式係442，大打傳統英式足球，入波靠嘅就係約基同高爾組成嘅黑雙煞組合！ 黎到2018年，陣式用442、大打傳統英式足球嘅球隊已經好少，大多數都改...
AC米蘭啱啱周中2:1憑隊長羅馬洛尼入波絕殺擊敗熱拿亞，豪取兩連勝重返前四行列。只係呢場勝仗毫無說服力，贏波過程更係醜陋到不得了。 教練加度素今場竟然排出3412陣式，每個位置嘅人選仲要係極度奇怪。中堅起用洛迪古斯、羅馬洛尼同梅沙斯奧打;翼衛就用蘇素、拿沙特擔任，之後中場中就有巴卡約高、基斯...
上季由賓菲加轉投曼聯嘅連迪路夫唔知係咪未適應到英超嘅節奏，加上處子戰上陣無耐就出現嚴重失誤而失去咗信心咁，一直表現患得患失，耐唔耐就犯下錯，成日俾球迷成為恥笑對象。 黎到今季，連迪路夫意外哋壓倒拜利成為正選中堅。只係球季一開始嗰幾場，佢仍然有唔少嘅失誤，令球迷對管理層夏天未有買新中堅非常唔滿...