講到球迷，我諗睇呢一篇文既大多數都係。今次筆者想講既，唔係講d人係d咩勝利球迷，而係想講，佢地中意足球既方面唔同。 唔知大家有冇留意，有時身邊中意足球既人，大致上都會分為幾類：第一種係真係中意睇波，中意研究d踢法珍惜等等既人、有d係咩隊都中意，只要場波好睇就得既人、有d人淨係中意打足球game，只...
老實講，筆者作為一個車迷，斷唔係想向狀態正佳既愛隊潑一盆冷水，但我近日見到唔少媒體已經講到，表示車路士變陣後腳風極順，和利物浦、阿仙奴等已成爭冠分子。筆者當然開心，畢竟上季我地打得好差，但學利記隊長佐敦軒達臣(Jordan Henderson)話齋：對而家任何一隊黎講，爭冠都係言之尚早。筆者甚至覺得...
呢場賽果，相信曼聯球迷估唔到，車路士球迷都估唔到。本來筆者預計呢場波雖然計起黎，車路士應該比較係佔優既一方，如果無和既應該都贏一兩球度，一野入四球完全令筆者好意外。實際上，除左開季初期同今星期，曼聯其實表現不算好，並未有應有發揮，對利物浦一場既部署同對費倫巴治既大勝，本來以為會有返d揸拿，點知表現再...
每隊波，排兵佈陣各有所好。有些會按人腳排陣，盡量將最強或者最夾既球員上陣，再設一套戰術幫助佢地發揮，例如安察洛堤(Ancelotti)比較擅長呢套；有些則按球隊套路，挑選合適球員以起用或收購，打出威力。但好多時，可能玩開足球game做領隊都會遇到，就係發揮不及預期，反而變陣可收奇效。 筆者...
球季開波過左個幾月，開始有d野睇，有問題既d問題都開始黎料。筆者都要講一講愛隊，現時最大問題都係黎自後場中路，主要係中堅位置人腳退化得快，正如筆者上次文章提及，今次就直接講應該一月如何補飛。畢竟球隊表現欠突破，干地(Conte)甚至要用上佢較like既三後衛陣式出黎。 前場：翼鋒一名 夏薩特...
今季有兩隊本來都被睇好既球隊，因為後防既問題，遇上程度不同既問題，而佢地同樣既地方，就係係夏季既轉會窗，係收購方面並未有針對性既行動，呢兩隊分別係車路士同曼城。 眾所周知，呢兩隊分別有兩個油王射住，照理錢唔係問題，但由於歐洲財政公平條例，使費上都有所制肘，而且球會其實都需要保持財政健康，好多...
唔知咁多位讀者有無同感，但筆者都有身同感受之時。守龍，任務就係確保大門不失，唔好俾人入波。被人射，要救；無事，就hea。 不過，如果你確保到不失球保持清白之身，多數都係被視為應份。如果贏左，入波既可能中前場既球員就功臣；如果和左，進攻球員可能被批評，但人地被批唔代表就有人讚你；如果輸左，守龍...
最後一篇，講到筆者愛隊車路士。其實對愛隊表現，筆者覺得唔錯既了，干地(Conte)對球隊既防守同戰術紀律都有好好既調整，不過問題都出係人腳度。 其實車路士比較大既問題就係，隊中其實有極多小將，有潛質既又不在少數，但係球隊現時經歷緊一個低潮，正係回穩緊，而之前既領隊摩連奴(Mourinho)並...
上次講左阿仙奴(算講左啦)、利物浦、熱刺同李斯特城，今次講埋筆者對雙曼既睇法。 講曼城先啦。筆者唔睇好今季曼城爭冠，雖然哥迪奧拿係幾勁，戰術造詣高，加上人腳又唔差。不過，真係唔差only，今季曼城無乜收購啲即時戰力，最勁既領軍人物就係阿古路(Aguero)啦，之後仲有迪布尼(de Bruyn...
首先筆者歡迎各位讀者留名，或者睇我講錯，不過筆者都係講下自己睇法。今季英超因為幾位名帥黎左，令本來都亂既戰局更亂，筆者就利申係唔睇好李城有好成績，而爆冷應該好少連續兩季有爆冷，所以應該會強隊or出名既球隊，筆者就少有地大膽估一估，因為作為頭盔愛好者，真係好少去估。 首先由最弱嘅講起啦好嗎？係...
伊巴謙莫域(Ibrahimovic)自由身加盟曼聯，相信係次次都要天價先買到既佢，第一次轉會係咁抵(咁俾貴都抵既其實)。佢黎到之後表現強勁，三場攻入四球，不得之了。但係同時，我地車路士兩場都只贏一球，明顯未上力，曼城、利物浦等表現都未算叫得上好，曼聯就贏得比較爽，除左可能摩連奴(Mourinho) ...
其實本文純粹筆者有感而發，如果有人記得，其實筆者對古圖斯(Courtois)一向無乜好感。由於係場內屢屢出現一d花邊新聞，或者傳出佢向記者批評某某某，筆者都唔認同。 要知道，球員甚至球星，尤其效力著名球會，一言一動往往成為焦點，影響力都幾大，如果用於正途，例如杜奧巴(Drogba)對自己國家...
雖然大家都知英格蘭既領隊由艾拿戴斯(Allardyce)接任，但呢篇講英格蘭領隊既工作既文，筆者都係照講啦。英格蘭因聯賽、賽制、球會等既問題，影響球員質素等問題，筆者唔深入講，因為其實都唔少更專業既球評家已經深入剖析過，筆者只淺論以下幾點。 1. 陣式戰術 其實近年英格蘭既戰術同陣式，並無...
暫時熱身賽，由於干地(Conte)上任未久，將帥未熟，加上熱身賽球員雖然無乜壓力，但推動力都有所下降，除非係邊緣人物等，力求表現加分。不過從戰術佈陣同企位都睇到一二。 今仗因為歐國盃主力未歸隊，干地用左d比較邊緣既人同小將，例如摩西斯(Moses)、卓克(Loftus-Cheek)、迪積洛保...
繼續先，因為筆者唔中意搞到d文大長，我自己都無心機睇，cut一cut可能好d。 除左邊路，防中同中堅都要多一名人選。中場中路三人，法比加斯(Fabregas)既傳送同組織功力相信足以攞到一席，不論主攻主守，佢既角色同作用都唔會低，不過希望干地幫到佢keep態keep全季。而防中由於米基爾(Mike...
睇完今屆歐國盃意大利既比賽，相信大家大概都估到干地(Conte)將會將車路士打造成咩球隊。防守，係干地俾人既印象、意大利都係、車路士都係。雖然阿巴莫域治(Abramovich)同部分球迷希望車路士打出進攻足球，不過以近年既足球黎睇，尤其今年，歐聯決賽、歐國盃決賽，以及英超冠軍李斯特同歐國盃冠軍葡萄牙...
今次講到今屆既主辦國，法國。老老豆豆，筆者今次睇好法國，三線實力頗為平均，而狀態亦都唔錯。係各大聯賽既前列強隊，甚至冠軍球隊都會見到法國球員既身影，而且都係主力分子，可見法國既實力近年都開始漸漸回升，加上狀態大多都唔錯，又是主辦國，筆者認為絕對有力一戰。 法國既弱點位，相信係同德國、比利時比...
筆者今次先講香港人通常比較關注既英格蘭。筆者都唔止一次講，名大於實既英格蘭，通常好難係大賽有好表現。不過以今年既名單傾向實而不華，加上熱刺崛起帶動唔少年青球員抬頭，若然戰術得宜，未必會打得差，而且年青球員如能汲取經驗成長，未來既英格蘭或者可以真正"實符其名"。 名單上唔難睇到，鶴臣(Hodg...
大家又唔好太武斷，一睇就話筆者d咩住。當然筆者打機絕非強手，而諸位讀者自然不乏打機高手。筆者同fd打機，最多都半斤八両，所以而家同d fd打機，個fd用皇馬、巴塞、拜仁等強隊，筆者係唔敢用英超隊…就算用，都係因為有愛，所以用下車路士。老老豆豆，除非閣下打機好勁，or自信滿滿，希望挑戰自己，唔係既話，...
車路士今季表現大跌，來季最多應該有可能打歐霸，但其實可能只係為左打歐洲賽呢個名義，因為眾左X知，歐霸係一個吃力不討好既賽事，除非你係因為歐聯不幸失手，要降格去打淘汰賽，唔係既話其實以佢賽程密度，無乜好處，尤其以車路士既排名，分分鐘由外圍打起，真係玩都玩死。 呢個時候，好多人都認為，應該俾多d...