於 17/08/2012 發表
亨利大帝35歲生日，重溫一下佢呢球咁靚的入波先！呢球係 03-04 球季足總盃八強賽事，完半場前，亨利突破越位陷阱，悅目地以三百六十度轉身騙過出迎的門將古迪仙尼後射成二比一，但林柏特於完場前六分鐘，係門前亂軍中為車路士追和。睇下呢球亨利有幾咁瀟灑：
於 15/08/2012 發表
插花係足球場上好多人都識，但唔係個個做得好。而縱觀過往球壇，將插花做到爐火純青，華麗得來又實用的，大哨肯定係其中一個最top的球員。好多人以為插花要過到人先叫成功，其實唔一定，用插花令到對手重心移動，然後製造空位起腳，亦係插花的作用，睇下大哨點樣用佢呢招獨步天下的秘技：
於 14/08/2012 發表
入波的球隊係巴拉圭，由卡杜素 (Jose Cardozo) 策動進攻，最後亦係卡杜素入波。呢球真係好流暢，尤其係最尾個幾腳傳波，真係值得一睇再睇！（畫面質素不佳）
於 14/08/2012 發表
細哨朗拿甸奴球感真係好到不得了，訓練時固然好輕鬆，就連正式比賽，佢 fit 起上來都好似練波咁。睇下佢呢球（當時仲係法林明高），十幾層樓個波咁樣跌落來，就咁輕描淡寫，就可以控得咁靚！真係扺你得返6成功力都仲有咁多人中意睇你踢波！
於 13/08/2012 發表
車路士新星夏薩特好波係人都知，但係琴日對曼城的社區盾，就出左一個好肉酸的後踭失誤，唔知會唔會好快俾人搞成 Fail GIF，然後流傳呢？