曼聯今季攻力弱就係人都知，之不過如果大家有睇波嘅，我諗大家應該同筆者一樣應該都幾like 20歲新仔安東尼馬迪爾！佢今夏以5000萬歐元加盟曼聯，第一場波處子戰就有波入，仲要入利物浦，之後佢晌前線表現出嘅腳法同冷靜，可以話依家呢隊曼聯完全無嘅表現，而佢晌場上控波痴腳，都為曼聯博到唔少罰球……之不過唔...
上周車仔炒咗摩連奴，呢個消息令球壇非常震驚，大家晌睇車仔新聞嘅同時，都不難發現有啲曼聯球迷晌車仔新聞到留言，寫住「幾時到雲高爾？」，再加上上輪聯賽輸埋畀諾域治３連敗之後，球迷對雲高爾不滿嘅聲音越嚟越高，而英國《鏡報》就指出曼聯方面已就近期成績開咗緊急會議，仲表明當中費Sir都被邀出席兼有權決定雲帥命...
唔經唔覺，曼聯已經連輸3場波，歐聯出局，聯賽跌出前4，雲高爾壓力一啲都唔細，加上外界盛傳摩連奴會入主曼聯，紅魔當局已經密談準備請雲高爾食無情雞，未來曼聯主帥一職嘅去向，真係令大家拭目以待，之不過隊內球員又唔係唔撐雲帥，起碼菲爾鍾斯就肯為佢作公開支持，事關佢話莫耶斯教嗰時，氣氛仲差! 「我唔可以...
筆者好明白各有所好，雲高爾又好、哥迪奧拿又好、摩連奴又好，總係有人支持有人反對，正如當初筆者都唔太睇好雲帥一樣…不過有一位候選領隊睇落反對聲音比較少，亦比較容易為曼聯迷所接受，呢位就係前一篇文章提過嘅傑斯喇。拿，拋下磚引下玉，筆者就稍稍講下佢嘅優勢同埋缺點啦！ 老老實實，要睇傑斯領軍能力真係一...
在對諾域治的比賽當中，出現了少有的一幕：曼聯終於有人在戰術指導區大喝、指揮了，而這位就是流著紅魔鬼之血的副教練傑斯。他向球員拍掌鼓勵，又隱約的看到他的口型，微調朗尼的企位，一切就好似當年爵爺的日子一般。球迷對他的舉動非常感動，不少都乘機諷刺一下雲帥：「傑斯做埋雲高爾嗰份了。」、「傑斯鼓勵球員？落雲帥...
當車仔失去狂人之際，摩連奴向各方表示自己唔需要休息，最好可以立即回到領隊的行列。只係心頭咁高嘅佢，當然係非一級球隊不教啦！咁雖然佢唔想抖，不過都好大可能要抖抖先…而根據佢身邊好朋友嘅消息，摩帥自己好希望下一份工係返奧脫福！ 頂級教練大執位，先有哥迪奧拿與拜仁若即若離，星期日公佈是否繼續任教；外間更...
聯合國兒童基金會慈善賽，周六順利晌曼聯主場奧脫福舉行完滿成功。由英愛明星隊對世界明星隊嘅賽事，雖然施丹同韋拉最終因為法國周五發生巴黎恐怖襲擊而臨時缺陣，不過比賽當中焦點都可以話係多不勝數…… 1. 費Sir自退休後再次重出執教英愛明星隊，與碧咸晌場上再度合作……賽前碧咸就表明呢一場一定要有費Sir...
身型瘦削嘅費查把握咗一次好機會，在國際賽中攻入一球，亦強烈反映咗佢打入曼聯一隊嘅意志…無錯，筆者唔係講緊前曼聯球員費查Darren Fletcher，而係小將艾舒利費查Ashley Fletcher。95年出世嘅佢都仲未夠20歲，不過第一次為英格蘭國家隊u20上陣就已經有波入，絕對有機會成為新的注目...
其實唔駛你講，球迷已經選擇噓你多於球員…上仗調動費蘭尼入替馬迪爾，由朗尼繼續領軍已經令唔少球迷好不滿，又噓又大叫「進攻進攻」，無他，曾經以攻擊水銀瀉地而聞名的曼聯，今季至今只得15球進賬，為7隊榜前列份子中最慘不忍睹(第8位的利物浦有12個入波)。對於球迷的噓聲，雲帥似係「意見接受，情況照舊」。 ...
一比零擊敗了中央陸軍，朗尼呢一頭終於終結紅魔鬼13日12個小時嘅入球荒，不過最扣人心弦嘅畫面，一定係咁多年來都罕見嘅「球迷狂噓紅魔主帥」一幕。打咗66分鐘都未開紀錄，雲帥決定換人，不過唔係換走近日被批評得體無完膚嘅朗尼，而係用費蘭尼換馬迪爾，一時之間全場噓聲雷動，衛報甚至如此報導：「以前奧脫福有聽過...
其實，真係有啲感覺雲高爾有啲發悔氣，傳媒講咗成年要畀朗尼打前鋒，佢就畀大家睇下前鋒尼幾有威力。事實係，朗尼重回前鋒之後，曼聯成績可謂平平無奇…自愛華頓3球大勝之後，朗尼做前鋒的4場比賽都和波收場，分別係對中央陸軍啦、曼城啦、米堡同埋水晶宮，當中唔計對米堡的話，3場比賽中曼聯共計只有18個攻門，對於全...
聽下球迷聲音，唔難發現大家都對態沉嘅朗尼有啲不滿，無他嘅，打前鋒佢嘅觸覺仍然都好強，不過講速度、控球，佢同巔峰時期都真係有一段距離。依家佢同「後謝拉特時期」嘅神奇隊長都有啲似，同樣都係球隊的靈魂人物，不過狀態就有啲飄忽，你唔用佢咩？又好似隊波無咗個大佬咁；用呢？又有啲四不像…如果、假如、真係、或者、...
又一場歐聯，今次和波收場，一分雖然好過無，不過離出線仲有漫漫長路…不過睇深啲，呢場波其實亦都有其他啟示架！ 首先，打和中央陸軍單睇結果未必人人都接受，但係睇歷史數據其實絕對收得貨，因為過去7次對俄羅斯球隊嘅比賽曼聯只係贏過一場咁大把，對住俄超班霸仲要先失一球的情況下，其實比賽唔易打。雲帥都認為呢場...
講緊邊2個？大家可以估下…有一位曼聯球員「獨王」，8場聯賽只入一球，射門命中率為44.4%、傳送成功率為81.3%，都是陣中最差的。另一位「板王」，來到英超只有僅僅10腳射門，不過當中8球成為入波。在對愛華頓一役中，傳送成功率為全隊第2，只有舒尼達連好過佢；ESPN球員評分中他10分攞9分，成為比賽...
雲帥會點？其實…真係有啲驚…馬達咁講：「我對佢嘅真情流露好讚賞，如果有隊友在訓練時做了一些他喜歡的事，他就會走近去擁抱甚至親吻他。說真的，他真的會吻下去！當然除了攬攬錫錫，他亦會在眾人面前讚揚做得好的球員：『你在訓練做得很好，我感到很自豪！記得，要成為大家的榜樣。』雲帥在記者會做的就是他自己，與我們...
真係好令人感慨，因為曼聯同以前比真係改變好多，好壞筆者真係唔敢講，但係方丈嘅小氣真係咁多年來都無變過，由李華度、列貝利、高路斯、東尼到依家都一樣。呢樣嘢，其實令筆者點都對方丈有保留…睇到域陀華迪斯最近一個twitter post，真係令人聞者傷心。個post咁講：「1600。完成！今日訓練課完成！多...
其實一個國際賽周，對於好多球員而言都係唔開心多於開心，就連雲加自己，都話：「我依家只可以好好祈求球員可以無事咁由國際賽返來，因為我哋人腳真係唔多架喇…」而好嘈嘅鄰居曼城睇嚟真係最傷嗰個，因為國際賽已經令佢哋兩員大將傷咗，分別係阿古路同埋大衛施華，咁就可以見到國際賽有幾恐怖。曼城對親曼聯，阿古路總係有...
講到馬迪爾，大家一定係好開心好期待，因為佢水貨味真係唔重，就算係無波入，都有啲入楔呀、攻門睇下，對阿仙奴時雖然輸波，不過最有機會入嘅黃金機會佢都有份，一腳於門前冷靜剔波轉身射門，唔係咁啱得咁轎中施治隻腳，隨時為曼聯破蛋…不過，原來年紀咁細嘅佢加盟曼聯，真係要「問過媽媽」架！點解要問過佢？唔係因為佢乖...
阿仙奴對曼聯的雙紅會，早早就已經無哂火爆味，反而似捉棋多啲，技術性擊倒對手已經成為「新雙紅會」的特色。而喺即將來到嘅雙紅會，更加係兩軍陣中新希望的直接技術對碰！ 曼聯方面，當然係講新貴馬迪爾啦，雖然佢呢一兩場都無波入，不過助攻又好、殺入敵陣亦好，都表現出唔似19歲仔嘅能力同膽色，更可怕嘅係佢開季至...
云云英超中自必然有唔少紀錄保持者，有紀錄當然就有破嘅一日啦！無啦啦講咩紀錄？咪就係因為馬迪爾開咗個好頭，2次為曼聯上陣嘅聯賽都有波入，對利物浦、對修咸頓都有進賬，對英超失球最多、6場失夠13球的新特蘭，佢好有可能再下一城。連續3場、4場入波的話，佢可以追到邊一啲前輩呢？ 第一個可以追到嘅前輩就犀利...